ધોરણ 11 | విષય: Gujarati
જીવનનો પૂર્વાર્ધ (વૈભવ અને અહંકાર): રમણિકલાલ યુવાનીમાં વઘઈમાં ફોરેસ્ટ ઑફિસર હતા. તેમની પાસે સરકારી બંગલો, નોકરચાકર અને સાગના ગેરકાયદેસર વેપારમાંથી અધળક કમાણી હતી. તેઓ સત્તા અને પૈસાના નશામાં અહંકારી અને નિર્દય બની ગયા હતા. તેમણે પોતાના હોદ્દાના જોરે ગરીબ શ્રમજીવી પર અત્યાચાર ગુજારીને ચાબુકના ફટકાથી તેની હત્યા કરી નાખી હતી.
જીવનનો ઉત્તરાર્ધ (કરુણતા અને પશ્ચાત્તાપ): ઉત્તરાર્ધમાં રમણિકલાલના પાપનો ઘડો ભરાઈ ગયો. પત્નીનું હાર્ટએટેકથી અવસાન થયું. અમેરિકા ગયેલા જુવાનજોધ દીકરાનું કેન્સરથી મૃત્યુ થયું અને તેની સારવારમાં બધી જમાપૂંજી વપરાઈ ગઈ. દીકરીના પતિનું અકસ્માતમાં અવસાન થયું અને ઈન્સ્યોરન્સના પૈસા હડપ કરવા સસરા પક્ષના લોકોએ દીકરીને જલાવી મૂકી. અંતે દીકરીનું પણ કરુણ મોત થયું. આમ, રમણિકલાલ જીવનના અંતે સાવ એકલા, નિરાધાર અને પશ્ચાત્તાપની આગમાં બળતા રહી ગયા.