ધોરણ 11 | విષય: SPCC
ગ્રાહક કે વેપારી, માલસામાન ખરીદવાના ઇરાદે વેચાણકર્તા અથવા ઉત્પાદકને પૂછપરછનો પત્ર લખે છે.
પૂછપરછના પ્રત્યુત્તરના પત્રનું લખાણ ગ્રાહક માટે અસરકારક અને તેને ઓર્ડર આપવા પ્રેરે તેવું હોવું જોઈએ.
પૂછપરછનો પત્ર લખતી વખતે નીચેની બાબતો ધ્યાનમાં રાખવી જોઈએ:
પત્રની શરૂઆતમાં વ્યાપારી પેઢી તરીકે પોતાનો પરિચય આપવો.
પૂછપરછ પત્રનું અનુસંધાન (જેમ કે જાહેરાત, ડિરેક્ટરી કે ભલામણ) દર્શાવવું.
પૂછપરછના હેતુ અને માલસામાનનું સ્પષ્ટ વર્ણન કરવું.
ભાવપત્રક, સૂચિપત્રક (Catalogue) કે ક્વોટેશન મોકલવા વિનંતી કરવી.
માલસામાનના ભાવ, અન્ય ખર્ચ (વહનખર્ચ, પેકિંગ, વેરા), નાણાં ચુકવણીની રીત, પૅકિંગ અને ડિલિવરીના સમયગાળા અંગે સ્પષ્ટ પૂછપરછ કરવી.
પૂછપરછના પત્રમાં ઉદ્દેશ્ય નીચે મુજબના હોઈ શકે છે:
માલસામાન કે જથ્થાબંધ વસ્તુ ખરીદવા માટે.
સેવા મેળવવા અથવા ઉપલબ્ધતા જાણવા માટે.
માલસામાનના ભાવ, વળતર અને નાણાં ચુકવણીની શરતો જાણવા.
સામાન્ય માહિતી અથવા વ્યાપારી અભિપ્રાય મેળવવા માટે.
આકર્ષક દરખાસ્તના ઉદાહરણો:
અમુક ચોક્કસ જથ્થામાં માલસામાન ખરીદવામાં આવશે તો વધારાનું 10% ખાસ વળતર આપવામાં આવશે.
એક મહિનામાં 50 એકમોનું વેચાણ થશે તો 5% વધારાનું બોનસ કે વળતર મળશે.
(5) ગ્રાહક જરૂરી માલસામાન ક્યાંથી પ્રાપ્ત થશે એ અંગેની માહિતી કઈ રીતે મેળવે છે ?
ઉત્તર: ગ્રાહક માલસામાનની પ્રાપ્તિ અંગેની માહિતી વર્તમાનપત્રો અને ટેલિવિઝનમાં આવતી જાહેરાતો, વેપારી ડિરેક્ટરીની વિગતો, અન્ય વેપારીઓ કે મિત્રોની ભલામણો તથા સોશિયલ મીડિયા જેવા વિવિધ સ્રોતો દ્વારા મેળવે છે.
પ્રખર ઇલેક્ટ્રૉનિક્સ
સ્ટેશન રોડ, મોડાસા - 383315
ફોન નં. : (02774) 223456
ઈ-મેઈલ : prakharelectronics@gmail.com
15મી જૂન, 2026
પ્રતિ,
પ્રકાશ ઇલેક્ટ્રૉનિક્સ,
એમ. જી. રોડ,
મુંબઈ - 400001
વિષય : ‘કમ્ફર્ટ’ ટ્યુબલાઈટ્સના ભાવ અને વેપારની શરતો અંગે પૂછપરછ.
શ્રીમાન,
અમે છેલ્લા 10 વર્ષથી મોડાસામાં વિવિધ પ્રકારના ઇલેક્ટ્રૉનિક સાધનોનો છૂટક વેપાર કરીએ છીએ. બજારમાં આપની ‘કમ્ફર્ટ’ બ્રાન્ડની ટ્યુબલાઈટ્સની સારી માંગ હોવાથી અમે તમારી પાસેથી જથ્થાબંધ ખરીદી કરવા ઈચ્છીએ છીએ.
કૃપા કરીને આપની ‘કમ્ફર્ટ’ ટ્યુબલાઈટ્સનું તાજેતરનું સૂચિપત્રક (Catalogue) અને ભાવપત્રક (Price-list) અમને મોકલી આપવા વિનંતી છે. આ ઉપરાંત, જથ્થાબંધ ખરીદી પર મળવાપાત્ર વળતર, નાણાંની ચુકવણીની શરતો, પેકિંગ વ્યવસ્થા તેમજ વહનખર્ચ અંગેની સ્પષ્ટતા કરવા નમ્ર વિનંતી.
જો આપના ભાવ અને વેપારની શરતો અનુકૂળ રહેશે, તો અમે આપને ભવિષ્યમાં મોટા ઓર્ડર આપીશું.
આપના ઝડપી પ્રત્યુત્તરની અપેક્ષા સહ.
આભાર.
આપનો વિશ્વાસુ,
XYZ
(માલિક)
શિવાજી હાઈસ્કૂલ
સ્ટેશન રોડ, ધંધૂકા - 382460
ફોન નં. : (02713) 225111
ઈ-મેઈલ : shivajischool@gmail.com
20મી જૂન, 2026
પ્રતિ,
સરસ્વતી સ્ટેશનર્સ,
દાણાપીઠ,
ભાવનગર - 364001
વિષય : શાળા માટે જરૂરી સ્ટેશનરીની પૂછપરછ અંગે.
શ્રીમાન,
અમારી શાળામાં શૈક્ષણિક વર્ષ માટે મોટા પ્રમાણમાં સ્ટેશનરી (જેમ કે નોટબુક, ફૂલસ્કેપ ચોપડા, મટીરીયલ, રજિસ્ટર વગેરે) ની જરૂરિયાત હોય, અમે આપની પેઢી પાસેથી જથ્થાબંધ ખરીદી કરવા ઈચ્છીએ છીએ.
અમને આપની પાસે ઉપલબ્ધ સ્ટેશનરીના વિવિધ સેટ્સનું સૂચિપત્રક અને વાજબી ક્વોટેશન (Quotation) મોકલી આપવા વિનંતી. શૈક્ષણિક સંસ્થા માટે આપ વધારાનું કેટલું વળતર આપી શકશો તે જણાવશો. આ ઉપરાંત નાણાંની ચુકવણીની શરતો અને માલસામાન ધંધૂકા પહોંચાડવા અંગેનો વહનખર્ચ કોણ ભોગવશે તેની પણ સ્પષ્ટતા કરવા વિનંતી છે.
આપના સત્વરે જવાબની અપેક્ષા રાખીએ છીએ.
આભાર.
આપનો વિશ્વાસુ,
XYZ
(આચાર્ય)
રોયલ ફૂડ્સ પ્રોડક્ટ્સ
જી.આઈ.ડી.સી., રાજકોટ - 360002
ફોન નં. : (0281) 2456789
ઈ-મેઈલ : royalfoods@gmail.com
28મી જૂન, 2026
પ્રતિ,
ચટપટા નમકીન સ્ટોર્સ,
ગ્રેન માર્કેટ,
જામનગર - 361001
વિષય : ‘સ્વાદિષ્ટ’ નમકીનની પૂછપરછનો પ્રત્યુત્તર.
શ્રીમાન,
આપનો તા. 22મી જૂન, 2026નો પૂછપરછનો પત્ર મળ્યો. આપણી તાજેતરમાં લોન્ચ થયેલી ‘સ્વાદિષ્ટ’ નમકીન શ્રેણીમાં રસ દાખવવા બદલ આપનો ખૂબ ખૂબ આભાર.
અમારી ‘સ્વાદિષ્ટ’ નમકીન શ્રેણી તેની ગુણવત્તા અને સ્વાદના લીધે ટૂંક જ સમયમાં ગ્રાહકોમાં લોકપ્રિય બની છે. આ પત્ર સાથે અમે તમામ પ્રોડક્ટ્સનું કલર કેટલોગ અને ભાવપત્રક બીડેલ છે.
વેપારની શરતો નીચે મુજબ છે:
₹10,000 થી વધુના ઓર્ડર પર 10% ખાસ વળતર આપવામાં આવશે.
માલસામાન રવાના કર્યાના 15 દિવસમાં બેંક ડ્રાફ્ટ અથવા ઓનલાઈન મોડથી ચૂકવણી કરવાની રહેશે.
ઓર્ડર મળ્યાના 5 દિવસમાં માલસામાન અમારા પોતાના ટ્રાન્સપોર્ટ દ્વારા મોકલવામાં આવશે.
આશા છે કે આપને અમારું સોદો અનુકૂળ આવશે અને આપ ઝડપથી ઓર્ડર મોકલશો.
આભાર.
આપનો વિશ્વાસુ,
XYZ
(સેલ્સ મૅનેજર)
બિડાણ :
સૂચિપત્રક (Catalogue)
ભાવપત્રક (Price-list)
મોડર્ન ઓપ્ટિકલ ઈન્ડસ્ટ્રીઝ
રિલીફ રોડ, અમદાવાદ - 380001
ફોન નં. : (079) 25341122
ઈ-મેઈલ : modernoptical@yahoo.com
10મી જુલાઈ, 2026
પ્રતિ,
વિઝન ચશ્મા ઘર,
એમ. જી. રોડ, જૂનાગઢ - 362001
વિષય : ચશ્માની ખરીદીના પૂછપરછ પત્રનો પ્રત્યુત્તર.
સંદર્ભ : આપનો તા. 02 જુલાઈ, 2026નો પત્ર.
શ્રીમાન,
આપનો સંદર્ભ પત્ર મળ્યો. વિવિધ પ્રકારના ચશ્માની ફ્રેમ અને લેન્સની ખરીદીમાં રસ દાખવવા બદલ આભાર. આપની જાણકારી માટે મુદ્દાસર માહિતી નીચે મુજબ છે:
ભાવપત્રક : ચશ્માના વિવિધ મોડેલ, ફ્રેમ અને લેન્સના ભાવ અંગેનું વિસ્તૃત ભાવપત્રક આ પત્ર સાથે મોકલેલ છે.
વેપારી વળતર : જથ્થાબંધ ખરીદી પર ભાવપત્રકની કિંમત પર 15% વળતર આપવામાં આવશે.
નાણાંની ચુકવણી : ઑર્ડર વખતે 25% એડવાન્સ અને બાકીના 75% માલ મળ્યા પછી 30 દિવસમાં ચૂકવવાના રહેશે.
ડિલિવરી અને વહન : ઓર્ડર મળ્યાના 7 દિવસમાં અમારા ખર્ચે સેફ પેકિંગ સાથે ડિલિવરી કરવામાં આવશે.
અમોને પૂર્ણ વિશ્વાસ છે કે અમારા ભાવ અને શરતો આપને યોગ્ય લાગશે.
આભાર.
આપનો વિશ્વાસુ,
XYZ
(મેનેજર)
બિડાણ : ભાવપત્રક અને કેટલોગ
સ્ટેશન રોડ, ભુજ (કચ્છ) - 370001
ફોન નં. : (02832) 241234
ઈ-મેઈલ : lakshmiagencybhuj@gmail.com
15મી જુલાઈ, 2026
પ્રતિ,
હાઇ-ફાઇ ડિજિટલ વર્લ્ડ,
અલકાપુરી,
વડોદરા - 390007
વિષય : કોમ્પ્યુટર્સની જથ્થાબંધ ખરીદી માટે પૂછપરછ.
શ્રીમાન,
અમે ભુજમાં છેલ્લા 8 વર્ષથી આઈ.ટી. સાધનો અને ઈલેક્ટ્રોનિક્સ ક્ષેત્રે વ્યાપાર કરીએ છીએ. કચ્છ વિસ્તારમાં કોમ્પ્યુટર્સની વધતી માંગને ધ્યાનમાં રાખીને અમે આપની પાસેથી વિવિધ બ્રાન્ડના કોમ્પ્યુટર્સ અને લેપટોપ્સની જથ્થાબંધ ખરીદી કરવા ઈચ્છીએ છીએ.
કૃપા કરીને આપની પાસે ઉપલબ્ધ લેટેસ્ટ કન્ફિગરેશન ધરાવતા કોમ્પ્યુટર્સનું કેટલોગ અને ભાવપત્રક મોકલી આપશો. આ ઉપરાંત:
વગેરે બાબતો અંગે વિગતવાર માહિતી આપતો ઉત્તર ઝડપથી પાઠવવા વિનંતી છે.
આભાર.
આપનો વિશ્વાસુ,
XYZ
(પ્રોપાર્ટર)
ચેમ્પિયન સ્પોર્ટ્સ વેર
સ્પોર્ટ્સ કોમ્પ્લેક્સ, નવરંગપુરા, અમદાવાદ - 380009
ફોન નં. : (079) 26408899
ઈ-મેઈલ : champion_sports@gmail.com
22મી જુલાઈ, 2026
પ્રતિ,
હાર્દિક સ્પોર્ટસ,
મેઈન બજાર, ડભોઈ,
જિ. વડોદરા - 391110
વિષય : સ્પોર્ટ્સ સાધનોના પૂછપરછ પત્રનો પ્રત્યુત્તર.
સંદર્ભ : આપનો તા. 15 જુલાઈ, 2026નો પત્ર.
શ્રીમાન,
આપના પૂછપરછ પત્ર બદલ આભાર. આપની માંગણી મુજબ તમામ પ્રકારના રમત-ગમતના સાધનો (ક્રિકેટ કિટ, વોલીબોલ, ફૂટબોલ, રેકેટ વગેરે) માટેનું સ્પર્ધાત્મક ક્વોટેશન નીચે મુજબ રજૂ કરીએ છીએ:
વિશેષ વળતર : આપના વિશાળ ઓર્ડરને ધ્યાનમાં રાખીને અમે નિયમિત 10% ઉપરાંત 5% વધારાનું ખાસ વળતર (કુલ 15% વળતર) આપવા તૈયાર છીએ.
નાણાંની ચુકવણી : 50% રકમ ઓર્ડર વખતે ચેકથી અને બાકીની રકમ માલસામાન મળ્યાના 30 દિવસમાં રોકડેથી ચૂકવી શકાશે.
માલ-સામાન પરિવહન : ₹25,000 થી વધુના ખરીદ-વેચાણ પર ટ્રાન્સપોર્ટ ખર્ચ અમારી પેઢી ભોગવશે.
ડિલિવરી : ઓર્ડર નિશ્ચિત થયાના 7 દિવસમાં માલ સુરક્ષિત પેકિંગ સાથે પહોંચાડી દેવાશે.
અમારું આ સ્પર્ધાત્મક ક્વોટેશન આપને ચોક્કસ અનુકૂળ આવશે એવી આશા છે. આપના ઝડપી ઓર્ડરની પ્રતિક્ષામાં.
આભાર.
આપનો વિશ્વાસુ,
XYZ
(સેલ્સ મેનેજર)
બિડાણ : ક્વોટેશન પત્રક